Gawai bulan Enam 2008 suba, aku bisi ke Kapit ngulu Gawai Tuah bala betunggal kami. Siti ari main uti ka bisi diadukan maia nya suba, ianya Nukop Buah Nyiur. Kala bala kita menyadi dibai orang bebuti nukop buah nyiur atas pinggai kaca? Buah nyiur tok disimpan/engkah di dalam pingai ka digaga ari kaca. Nemu meh kitai pinggai kaca tok senang amat ka pecah. Buah nyiur nya enda tau diangkat maia ke nukop ia. Nyadi kitai diasoh nukop buah nyiur dalam pinggai nya ngena sebarang utai baka besi baja,duku ke udah tumpul, senduk ke dikena orang nyemin, etc. ba moa orang maioh.
Enti endang enda kala, enda bejimat serta nadai skill/pengelandik tusah amat deka nukop buah nyiur nya sampai ia belah dua. Salah-salah bedau nama-nama buah nyiur udah pinggai pecah. Enti pinggai pecah naka meh pemalu.
Duku ka dikena raya amat penumpul ia menyadi. Nyau meletur tapak jari megai duku nya.
Tang laban ka sigi pungka anak lelaki, baka ka enda, peda tak belah ka buah nyiur jamah aku. Enda ga malu, pinggai pan enda ga belah. Bisi chara gak ngasoh pinggai enda belah menyadi. Mesti ka sepu-sepu mimit. Enda patut ga bejalai ngagai menua orang, kitai enda nangkin "baju", laban kitai enda nemu uti orang siti-siti menua ka endor kitai nemuai.
Udah buah nyiur belah, terima prize ga diberi orang. Ukai ka siti, nyau dua gelas. Ai tuak laban ka udah dipantun ka sidak ka indu, nadai nama-nama mansa batang rekong. Enti nda salah ingat aku, pukul 2 pagi bisi maia ke nyeradak ke tuaknya.
